Սպա

Չոր շոգեբաղնիքի փայտաշեն սենյակը սթրեսից և հոգնածությունից ազատվելու լավագույն տարբերակն է: Այն կօգնի ձեզ թեթևացնել ասթմայի ախտանիշները, ազատվել մաշկային խնդիրներից և դրական ազդեցություն կունենա սիրտ-անոթային համակարգի առողջության վրա: Ջրազրկումից խուսափելու համար խորհուրդ ենք տալիս շոգեբաղնիք մտնելուց առաջ և հետո խմել ջուր կամ խոտաբույսերով թեյ: Խնդրում ենք խուսափել ալկոհոլային խմիչքի օգտագործումից, իսկ սրտային խնդիրների դեպքում, խորհրդակցել բժշկի հետ: Մինչև 6 տարեկան երեխաների մուտքը խորհուրդ չի տրվում։ Խորհուրդ է տրվում շոգեբաղնիքում մնալ միջինում 15 րոպե:

Չոր շոգեբաղնիքում անցկացրած 15 րոպեն 15 օրով կերակարացնի կյանքդ :)

Հանգստացեք, կարդացեք, երաժշտություն լսեք կամ մեդիտացիա արեք՝ վայելելով հալոթերապիայի առավելությունները աղի սպա սենյակում: Այն ունի հանգստացնող և դետոքսիկացնող ազդեցություն, նպաստում է իմունային, նյարդային և լիմֆատիկ համակարգերի բարելավմանը: Մի անհանգստացեք, եթե սկսեք հազալ. օդում առկա աղի մասնիկները կարող են մի փոքր հազ առաջացնել: Խորհուրդ է տրվում սենյակում մնալ միջինում 40 րոպե: Հալոթերապիան խորհուրդ չի տրվում հիպերտոնիայով, երիկամների հիվանդությամբ կամ քիմիոթերապիկ բուժում անցնող անձանց:

Աղի սենյակում անցկացրած 40 րոպեն 40 օրով կերակարացնի կյանքդ :)

Վայելեք ձեր վաստակած հանգստացնող մերսումը՝ բացառապես որակավորված մասնագետների կողմից BlueDoor Spa-ում: Երաժշտությունն ու մթնոլորտը կպարգևեն ձեզ այդքան անհրաժեշտ հանգստությունը՝ ազատելով բոլոր տեսակի բացասական մտքերից:

Այստեղ կարող եք գտնել մի շարք պրոցեդուրաներ՝ ավանդականից մինչև յուղերով մերսում, որոնք հաստատ ձեր դեմքին գոհունակության ժպիտ կնկարեն։

Խոտաբույսերով ինգալացիոն սենյակում թուրմերը պատրաստվում են Հայկական լեռնաշխարհում տարածված խոտաբույսերով, ինչպիսիք են` երիցուկը, լորենու ծաղիկը, ցեֆալարիան, տուտսանը, անանուխը, ուրցը և այլն։ Այս 100% բնական, առանց բուրավետիչների և հավելումների խոտաբույսերը մաքրում են օրգանիզմը, օգնում են հաղթահարել սթրեսը և հանգստացնել միտքն ու մարմինը: Խորհուրդ է տրվում միջինում 15-20 րոպե:

Խոտաբույսերով ինգալացիոն սենյակում անցկացրած 15-20 րոպեն 20 օրով կերակարացնի կյանքդ :)

Սառը սենյակում տրամադրությունը բարձրանում է, իսկ տաքնապն ու անհանգստությունը վերանում։ Սառը ջրով թերապիան նպաստում է արյան շրջանառության բարելավմանը, իմունիտետի ամրապնդմանը, բորբոքման և մկանային ցավի նվազեցմանը, օգնում պայքարել դեպրեսիայի ախտանիշների դեմ։ Փորձեք 15-30 վրկ մնալ սառը սենյակում ու կարող եք ձեզ հերոս համարել: Խորհրդակցեք ձեր բժշկի հետ, եթե ունեք սրտային հիվանդություն կամ Ռեյնոյի համախտանիշ։ Երեխաների մուտքը սառը սենյակ չի խրախուսվում։

Սառը ջրի սենյակում անցկացրած յուրաքանչյուր վայրկյանը մեկ օրով կերկարացնի կյանքդ։ :)

Մեզ այդքան պակասող ծովը մոտ կթվա տաք քարերի սենյակում։ «Երիտասարդության աղբյուրը» փնտրողները պարզել են, որ քարերի վրայով քայլելը առողջության և երիտասարդության բանալին է: Տաք քարերի վրա քայլելը նպաստում է հարթաթաթության բուժմանը, արյան ավելի լավ շրջանառությանը, մկանների լարվածության նվազեցմանն ու ֆիզիկական ծանրաբեռնվածության և մտավոր սթրեսի թեթևացմանը:

Արյան բարձր ճնշման, սրտի հիվանդության կամ շաքարախտի դեպքում խորհուրդ է տրվում նախքան փորձելը խորհրդակցել բժիշկի հետ։ Երեխաների մուտքը տաք քարերի սենյակ խրախուսվում է։

Վայելեք անսահմանափակ թեյախմությունը մեր սպա սենյակներից օգտվելու ընթացքում կամ հետո: Որոշ սպա սենյակներ կարող են հանգեցնել ջրազրկման, ուստի խորհուրդ ենք տալիս խմել մեր խոտաբույսերով թեյերն այնքան, որքան ցանկանում եք:

Այս սենյակում կարող եք գտնել սև և կանաչ, հատապտղային, ցիտրուսային, մասուրի, հայկական խառնուրդ և այլն։